Баткен облусундагы жугуштуу оорулар ооруканасынын имараты оңдолуп бүттү. Өкмөттүн Баткен облусундагы өкүлү Алишер Абдрахманов облустук жугуштуу оорулар ооруканасынан кабар алды.
Баткен облустук үй-бүлөлүк дарыгерлер борборунун эски имаратын 90 орундуу ооруканага ыңгайлаштыруу максатында жасалган оңдоп-түзөө жумуштары учурда толук аяктады.
Оорукананын жылытуу системасы, канализация жана суу линиялары жаңыланып, оорукана керебеттер, төшөнчүлөр менен камсыздалып, керектүү медициналык жабдуулардын алгачкы тобу келип түштү.
Оорукананын жандандыруу бөлүмү 9 бейтапка ыңгайлашкан. Ар бир бөлмө кычкылтек концентратору менен камсыздалууда. Ошондой эле жакынкы күндөрү борборлоштурулган кычкылтек концентратору орнотулат.
Ооруканада 78 медициналык кызматкердин иштөөсү белгиленген.
