Биз менен байланышыңыз

Элдин суранычы менен Баткенге киргизилген чектөөлөр кайра өзгөртүлдү

Кыска кабар | 28 Сен 2020 | 1257 | 0

Бүгүн, 28-сентябрда Баткен облусунда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыкты.

Анда жер жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн түз таасир этээрин айтып, коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды.

Мындан улам облустук штаб, маселени кайра карап чыгып, санитардык талаптарды сактоо менен иштөөгө уруксат берди.

Бирок облуста катуу көзөмөлдөгү беткап режими жана той аштарга болгон чектөөлөр күчүндө калды.

Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт.

Copyright © 2017 Maral FM