Уюмдар жана жеке ишкерлер 2021-жылдын 1-январынан тарта салык отчетторун электрондук документ түрүндө берүүгө өтүшөт. Бул мөөнөт “Салыктык отчеттуулукту электрондук документ түрүндө берүүгө өтүүнүн тартибине” ылайык белгиленген.
Мамлекеттик салык кызматы салык отчетун электрондук түрдө берүүгө милдеттүү болгон жарандарды квалификациялуу электрондук кол тамганы алдын ала сатып алууга чакырат.
2019-жылдын 1-июлунан тарта кошумча нарк салыгын төлөөчүлөр, товарларды импорттоочулар жана экспорттоочулар электрондук кол тамганы колдонуу менен салык отчетун электрондук түрдө тапшырып келишүүдө.
«СМАРТ Салым» салык жол-жоболорун фискалдаштыруунун негизги компоненттеринин бири болуп саналат.
Кеңири маалыматты 1240 номери же www.sti.gov.kg сайты аркылуу алууга болот.