Биз менен байланышыңыз

71 жаштагы Ёсихидэ Суга Япониянын жаңы премьер-министри болду

Дүйнө , Кыска кабар | 16 Сен 2020 | 81 | 0

Япониянын жаңы премьер-министри болуп Ёсихидэ Суга дайындалды. Анын талапкерлигин төмөнкү палатанын көпчүлүк депутаты колдогон. Добуш берүү жалпы элге түз эфир аркылуу көрсөтүлүп турду.

71 жаштагы Ёсихидэ Суга башкаруучу Либерал-демократиялык партиясынан сунушталган. Ал 2012-жылдан бери мурдагы өкмөт башчы Синдзо Абэнин тушундагы өкмөттө министрлер кабинетинин башкы катчысы кызматын аркалаган. Партиянын мыйзамына ылайык, Суга 2021-жылдын октябрына чейин, тагыраагы, отставкага кеткен Абэнин ыйгарым укук мөөнөтү аяктаганга чейин өкмөт башчылык кызматты аркалайт. Андан соң кайра 3 жылдык толук мөөнөткө шайлоо өткөрүлөт.

Суга жакынкы сааттарда өкмөттүн жаңы курамын жарыялайт. Жаңы курам деп аталганы менен Абэнин тушундагы министрлердин көпчүлүгү ордунда калары айтылууда.

Мурдагы премьер-министр Синдзо Абэ августтун аягында өнөкөт оорусу өрчүп кеткенине байланыштуу отставкага кеткен

Япониянын экс-премьер-министри Синдзо Абэ өнөкөт оорусу өрчүп кеткенине байланыштуу 28-августта отставкага тапшырган. Ал Япониянын тарыхындагы өкмөттү эң узак башкарган өкмөт башчы катары белгилүү.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM