Президент Сооронбай Жээнбеков 9-10-сентябрь күндөрү эки күндүк иш сапары менен Ош облусунда болот. Ал Ош шаарында жана Кара-Суу районунда билим берүү, медицина объектилеринин, аймактын ички жолдорунун курулушу менен таанышат.
Ошондой эле айыл чарба жана өнөр жай ишканаларынын ишмердүүлүгүнөн кабар алат.
Мындан сырткары, сот системасын, жергиликтүү өз алдынча башкаруу органдарын санариптештирүүнүн, пандемия шартында инфратүзүмдүк долбоорлорду ишке ашыруунун жүрүшүн көрөт.