Улуттук статистикалык комитети калкты каттоо жүрүп жатканы тууралуу маалыматтар чындыкка дал келбей турганын билдирет.
Социалдык тармактарда эл каттоо жүрүп жатат деген шылтоо менен белгисиз адамдар үймө-үй кыдырып, парламенттик шайлоо үчүн маалымат чогултуп жатышат деген билдирүүлөр пайда болгон.
Буга байланыштуу Улуттук статистикалык комитет эл жана турак жай фондун каттоого даярдык көрүү жана өткөрүү боюнча иш-чаралар эпидемиологиялык кырдаалга байланыштуу белгисиз убакытка жылдырылганын билдирет. Буга чейин калкты каттоо 2020-жылдын 23-мартынан тарта 1-апрелге чейин өтө турганы айтылган эле.