«Кыргызстан» партиясынын лидери Канатбек Исаев партия шайлоого катышып, сөзсүз жеңишке жетерин билдирди. Бул боюнча атайын видеокайрылууну партиянын Фейсбуктагы баракчасына жайгаштырды.
«Кыргызстан» саясий партиясынын шайлоого катышуу үчүн тапшырган документтеринин артка кайтарылышы боюнча партия лидери Канатбек Исаев тарапташтарына кайрылуу жасады. Партия лидери өз кайрылуусунда, БШК чыгарган чечимдин мыйзамсыз экендигин дагы бир жолу белгилеп, бул иштин акыйкат чечилерине сот чекит коерун айтты.
Атаандаштар анык. Кайсы партияга добуш бересиз? (Сурамжылоо)
Ошондой эле Канатбек Исаев штабдын кызматкерлерин өз иштерин уланта берүүгө чакырды.
Эске салсак, кечээ, 25-августта «Кыргызстан» партиясы БШКга тапшырган документтердеги мүчүлүштүктөрдөн улам, шайлоого катыша турган тизмеге кирбей калган. БШКнын мындай чечимине нараазы болгон партия, маселени сот аркылуу чечерин билдирген.