Жогорку Кеңештин депутаттары Жанар Акаев жана Алтынбек Сулайманов Боршайкомдун имаратына келип, БШКнын төрайымы Нуржан Шайлдабековадан видеокамералар жазып алган видеожазууларды талап кылып жатышат.
— Бул жер стратегиялык объект, бирок мыйзам бузуу катталган болсо, биз бул жерден документтерди жана видеоматериалдарды талап кылганга акыбыз бар, — дейт Акаев.
Түнкү саат 1:00дө жазылып алынган видеоматериалды жыйындар залына алып кирип, активист, журналисттерге коюп берип жатат.
1:15
Жазылып алынган видеоматериалда «Кыргызстан» партиясы саат 18:00гө чейин документин тапшырбаганын көрүүгө болот. Бирок, өзүн Боршайкомдун аппаратынын кызматкеримин деп тааныштырган жаран видеокамеранын сааты ката болушу мүмкүн экендигин айтты.
1:30
Боршайкомдун кызматкерлери саясий партиялар катталган журналды активисттерге көрсөттү. Анда «Кыргызстан» партиясынын катталган убагы чийилип, оңдолгонун көрүүгө болот. Катталды деп жазылган мөөнөтү — 17:59.