Дүйнөлүк саламаттыкты сактоо уюму коронавирус пандемиясы болжолдуу эки жылга жетпеген убакытта бүтөөрүн айтты. Бул тууралуу РИА Новости агенттигине уюмдун башкы мүдүрү Тедрос Адханом Гебрейесус билдирди.
1918-жылы “испан сасык тумоосу” эпидемиясы 2 жылга созулган. Гебрейесус ал эпидемия менен салыштырганда, ДССУнун көптөгөн технологиялары бар экендигин белгиледи.
- Ири байланыштар менен вирус батыраак жайылып кетет, бирок бизде аны токтотуу технологиясы бар. Ошентип бизде глобалдашуу жана өз ара байланыштын бир кемчилиги болгону менен, технология жактан бир артыкчылыгыбыз бар, — деди уюмдун башчысы.
Эскерте кетсек, 11-мартта ДССУ жаңы коронавирус инфекциясын пандемиясы деп жарыялаган.