Ливан өлкөсүндөгү өзгөчө абал режими дагы бир айга узартылды. Бул Бейрут шаарындагы порттогу ири жарылууга байланыштуу.
Порттогу жарылуу 4-августта болуп, ошол күнү эле өзгөчө абал режими 2 жумага узарган болчу. Ал эми бул жарылууга байланыштуу эл аралык иликтөө жүргүзүү сунушуна Ливандын бийлиги макул болбогону маалымдалып жатат.
4-август күнү кечинде Ливандын борбору Бейрут шаарындагы портто 2 750 тонна аммиак селитрасы жарылып, 15 миллиард доллардан ашык зыян келтирилген.
Акыркы эсеп боюнча окуянын кесепетинен 177 адамдын өмүрү кыйылып, 6 миңдей адам жаракат алды.