Дүйнөлүк көчмөндөр оюндары 2021-жылы Түркиянын Изник шаарында өтөт. Бул тууралуу Кыргызстандын Түркиядагы элчилигинен кабарлашты.
12-август күнү Бурса провинциясынын Изник шаарында IV Дүйнөлүк көчмөндөр оюндарын 2021-жылы өткөрүү боюнча Түркиянын Жаштар жана спорт дирекциясы менен Салттуу спорт федерациясынын ортосунда уюштуруучулук маселелер боюнча протоколго кол коюлган.
Оюндар Изник көлүнүн жээгинде — шаарды алууга катышкан кыргыздардын элесине арналган мемориал жайгашкан шаарда өтөт.
2018-жылы III Дүйнөлүк көчмөндөр оюндары Кыргызстанда өткөрүлгөндөн кийин эстафета Түркияга өткөрүлүп берилген. Оюндар быйыл өтмөк, бирок коронавируска байланыштуу 2021-жылга жылдырылган.