АКШнын президенти Дональд Трамп Axios порталына берген маегинде Жакынкы Чыгышка аскерлерди жиберүү өлкө тарыхындагы эң чоң ката экендигин айтты.
«Биз ИШИМди 100 пайыз жок кылдык … Биз Сулейманиге (ирандык генерал) жана Аль-Багдадиге (ИШИМ лидери) каршы чыктык. Мен көптөгөн президенттер жасай элек иштерди жасадым. Алар Жакынкы Чыгышка такыр барбашы керек эле», — деди Трамп өз билдирүүсүндө.
«Жакынкы Чыгышка аскерлерди жиберүү жана алардын иштерине кийлигишүү жөнүндө чечим өлкөбүздүн тарыхындагы эң чоң ката болду», — деди Трамп.
Eurasia Daily маалымдагандай, 2001 жана 2018-жылдар аралыгында чет өлкөлөрдө болгон аскерий операцияларда 7000дей америкалык өлтүрүлүп, 52 миңден ашуун адам жаракат алган. Алардын 60 пайыздан көбү Иракта, 38 пайызы Ооганстанга туура келет.