Кыргызстанда акыркы бир сутка ичинде 25 медициналык кызматкер коронавирус жуктуруп алды. Бул тууралуу өкмөт үйүндөгү маалымат жыйында Саламаттыкты сактоо министрлигинин өкүлү Айнура Акматова билдирди.
Бишкекте — 2, Ош шаарында — 4, Ош облусунда — 6, Жалал-Абад облусунда — 6, Талас облусунда 1 жана Баткен облусунда 6 медкызматкер илдетке кабылды.
Ошол эле учурда 6 медициналык кызматкер айыгып, ооруканалардан чыгарылды. Мындан сырткары үй карантининде дарыланып жаткан 44 медициналык кызматкер да сакайды.
COVID-19 вирусун жалпы 2768 медициналык кызматкер жуктурган, анын 1714ү айыгышты.
Кыргыстанда 31-июлга карата коронавирус жалпы 35 миң 805 адамга жукту. Анын 25 миң 526сы айыгып, 1378и каза болду.