Европа биримдигинин Кыргызстандагы өкүлчүлүгү өлкөдөгү Улуттук аза күтүү күнүнө карата коронавирустан каза тапкандардын туугандарына жана жакындарына көңүл айтты.
«Европа Биримдиги Кыргызстанды жана анын элин ар дайым колдоп келет. Азыркы татаал мезгилде да биз өлкөгө жардам берүүнү уланта беребиз», -деп айтылат билдирүүдө.
Кыргызстанда пандемия башталгандан бери 1347 бейтап коронавирустан каза тапты. Вирус жуктургандардын саны 34 миңден ашты. Бүгүн, 30-июлда коронавирус илдетинин курмандыктарына аза күтүлүп жатат.