Казакстанда сутка ичинде 1,4 миң адамдан коронавирус аныкталды

Бүгүн, 27-июлга карата Казакстанда коронавирус диагнозу менен 1402 адам катталды. Алардын ичинен 589 адам ооруну белгилери жок алып жүргөндөр болуп чыкты. Бул тууралуу жергиликтүү басылмалар жазды.

Бүгүнкү күнгө карата Казакстанда жалпы 83 миң 122 адамга коронавирус жукту. Алардын ичинен 51,8 миң адам айыккан. Оору жуккандан кийин 610 адам көз жумду.

Жаңы катталган учурлардын көпчүлүгү Нур-Султанда (292) жана Алма-Атада (221) байкалган.