#Барбыз долбоору, “Элим барсыңбы?” коомдук кайрымдуулук фонду Capstroy KG курулуш компаниясы менен биргеликте Кыргызстандын бир катар аймактарындагы ооруканаларына зарыл болгон медициналык каражаттар, дары-дармектерди, жеке коргоочу каражаттарды жеткирип беришти.
Бул жардамдын жалпы суммасы 2 миллион сомду түздү. “Элим барсыңбы?” коомдук кайрымдуулук фондунун жетекчиси Айдар Кубанычбековдун “Маралга” билдиргенине караганда, каржыны курулуш компаниясы бөлүп, Фонддун аймактарындагы ыктыярчыларынын жардамы менен Ош, Жалал-Абад, Баткен аймактарына жардам жеткирилди.
2 млн сомго 1500 даана азитромицин дарысы, 2000 даана цефапим, 400 даана клексан, жеке коргонуу каражаттары, медициналык кол каптар, пульсоксиметрлер жана шприцтер алынды.
