Транспорт жана жолдор министри Жанат Бейшенов тик учактар химиялык каражаттарды чачып жатат деген маалыматты четке какты. Бул тууралуу ал өкмөт үйүндө өткөн маалымат жыйынында билдирди.
—Өлкө боюнча мындай иш-аракеттерди бир дагы учак аткарган жок. Кечээ “Автожир” чакан аппараты гана машыгуу иретинде абага көтөрүлдү, — дейт министр.
Буга чейин мессенжерлер аркылуу маалыматтар тарап, өлкөдө дезинфекциялоо максатында химиялык каражаттар чачылып жатат деп айтып чыккандар болгон.