Жыл башынан бери «Айыл чарбасын каржылоо – 8» долбоорунун алкагында 3 млрд 765 млн сомго насыя берилди. Бул тууралуу Финансы министрлигинин маалыматтарында айтылат.
Министрликтин бюджеттик насыяларды башкаруу боюнча мамлекеттик агенттигинин маалыматы боюнча, июль айынын башына карата «Айыл чарбасын каржылоо – 8» долбоорунун алкагында коммерциялык банктар аркылуу элеттик товар өндүрүүчүлөргө 3 млрд 765 млн сомго 7 миң 459 жеңилдетилген насыя берилген.
Анын ичинен:
— өсүмдүк өстүрүүчүлүккө – 388,3 млн сомго 1 173 насыя,
— мал чарбачылыгына – 2 435,8 млн сомго 6 124 насыя,
— кластерге – 185,2 млн сомго 81 насыя,
— кайра иштетүү тармагына – 391,9 млн сомго 70 насыя,
— ун өндүрүүгө – 363,8 млн. сомго 11 насыя берилди.