Улуттук хирургия борбору жана Шаардык перинаталдык борбор коронавируска чалдыккан бейтаптар үчүн кайрадан түзүлөт. 17-июлда вице-премьер-министр Аида Исмаилова эксперттер тобу менен бирге аталган борборлордун мүмкүнчүлүгү менен таанышты.
Улуттук хирургия борборунда 40ка жакын орун коронавирустук инфекциясы өтүшүп кеткен бейтаптар үчүн бөлүнгөн.
Шаардык перинаталдык борбор № 2-төрөт үйүнө тийиштүү кош бойлуу аялдарды да кабыл алат, ал коронавирус инфекциясына чалдыккан бейтаптар үчүн толугу менен кайрадан түзүлгөн.
Башка мамлекеттик клиникалар да калкты тейлөө үчүн кайрадан түзүлгөн бөлүмдөрдү сунуштамакчы.