Кыргызстанга жакында 200 кычкылтек концентраторунан турган партия келди. Дагы 500-1000 даана концентратор сатып алынат. Мындан тышкары, гуманитардык жардам катары 400 концентратор келет.
Бул тууралуу премьер-министр Кубатбек Боронов Республикалык ыкчам штабдын жыйынында айтты.
Учурда дары-дармектерди жана медициналык жабдууларды ташуу боюнча бир катар өлкөлөр менен келишимдерди түзүү маселелери иштелип жатат.
“Концентраторлор жана дары-дармектер аймактар ортосунда бөлүштүрүлөт. Алар мүмкүн болушунча айылдардагы фельдшердик-акушердик пункттарга жеткирилет»,- деди өкмөт башчы.
Мындан тышкары дарылардын жана медициналык тейлөө кызматтарынын баасына мониторинг жүргүзүү иштерин улантууну тапшырды.