АКШ президенти Дональд Трамп коронавирус пандемиясы башталгандан бери коомчулук алдына алгач ирет беткап тагып чыкты. Бул тууралуу РИА Новости жазды.
Трамп, 11-июлда, Вашингтондогу согуштук аракет учурунда жаракат алган аскерлер дарыланып жаткан Walter Reed госпиталына барып кабар алды. Ал жакка Трамп алтын түскө боелгон президенттик печать басылган кара-көк түстөгү беткап тагып барды.
«Беткап таккан жакшы деп ойлойм. Мен эч качан беткап тагууга каршы болгон эмесмин. Бирок бардык нерсенин өзүнүн убагы, орду бар»,- деди президент журналисттерге.
АКШнын көпчүлүк штаттарында коронавирус эпидемиясы башталгандан бери беткап тагууну сунуштап келет.