Президенттик аппараттын башчысы Досалы Эсеналиев коронавирустан айыкты

Президенттик Аппараттын башчысы Досалы Эсеналиев коронавирустан айыгып, бүгүн 8-июлдан тарта ишке чыкты. Бул тууралуу ал өзүнүн “Фейсбуктагы” баракчасына жарыялады.

Ал ооруп жаткан учурда тилектештик билдиргендердин баарына ыраазычылык айткан.

— Кудайга шүгүр, оорудан үй шартында изоляцияда болуп, врачтын телефондон күнүгө берген көрсөтмөсү менен дарыланып, айыктым. Кайра тапшырган тест таза чыкты. Бүгүнтөн баштап, жумушка чыктым, — деп жазган Эсеналиев.

Ошондой эле, ал ар бир кыргызстандыкка ден соолук каалап, дарыгерлердин эмгегине ыраазычылык билдирген.

Президенттик аппараттын 17 кызматкери коронавируска чалдыкканы тууралуу маалымат 28-июнда жарыяланган. Буга байланыштуу аппарат аралыктан иштөөгө өткөн.