Бишкекте коомдук тамактануучу жайлардын да иштөөсүнө айрым чектөөлөр киргизилет. Бул тууралуу Бишкек мэри Азиз Суракматов брифинг учурунда айтты.
Жаңы жобого ылайык, кафе, ресторан, коомдук тамактануучу жайлар саат 8:00-20:00 аралыгында иштейт. Ал эми супермаркет, соода борборлору саат 07:00-19:00гө чейин иштөөсүнө уруксат берилет. Эрежеге баш ийбеген жайларга айыппул салынат жана электр, суусу да кесилет.
Мындан сырткары, балдар ойноочу аянтчаларга да чектөөлөр киргизилет. Базарлар саат 06:00дөн 17:00гө чейин иштейт. Дезинфекция үчүн жумасына бир күнгө жабылат.