118 кызматына кошумча күчтөр тартылат. Бул тууралуу премьер-министр Кубатбек Боронов билдирди. Маалыматтарга караганда, жуманын башында 118 кызматына күн сайын 40-50нүн тегерегиндеги чалуулар түшсө, учурда кайрылуулардын саны 13 эсеге өстү.
—103 кызматына Бишкек шаары боюнча эле өткөн суткада 4561 чалуу түшкөн. Медицина кызматкерлери калктын көп бөлүгүн тейлей алышты. Кээ бири телефон аркылуу кеңеш алышса, айрымдарына медициналык бригадалар барды. Бардыгына барууга дарыгерлерибиз жетишпей жатышат. Ошондуктан тез жардам унааларынын санын көбөйтүү чечими кабыл алынды. Кийинки жумадан тарта дагы 20 медициналык тез жардам бригадасы ишке киришет, — деп белгиледи премьер-министр.