Бишкек шаарынын башкы санитардык дарыгери Кубан Кундашев пандемия учурунда санитардык талаптарды аткарбагандыгы үчүн өкмөт аппаратынын кызматкерлерине айыппул салды. Бул тууралуу Бишкек шаарынын мэриясынан билдиришти.
Бузуулар тууралуу кодекстин 150-беренеси боюнча протокол түзүлүп, ага ылайык өкмөт жетекчилерине, өкмөттүн аппаратынын жана катчылыгынын кызматкерлерине карата 5 миң сом айыппул каралган.
Коопсуздук кеңешинин жыйынында президент Сооронбай Жээнбеков өкмөт мүчөлөрүн санитардык эрежелерди сактабай, маскасыз сүрөткө түшүшкөнүн сындап, айыппул төлөөнү талап кылган.