Turkish Airlines авиакомпаниясы июндун соңуна карай Түркиядан Бишкекке карай каттамдарын улантат. Бул тууралуу компаниянын расмий сайтында кабарланды.
Ага ылайык, июндун соңуна чейин жумасына үч ирет каттамдар ишке ашырылат. Ал эми 1-июлдан тарта жумасына 4 каттам жүргүзүлөт.
Бирок Кыргыз тарап коронавируска каршы республикалык ыкчам штабдын чечими чыкмайынча, «Манас», Ош аэропорттору эл аралык каттамдарды кабыл албай турганын белгилейт.
Turkish Airlines авиакомпаниясы мындан сырткары, 1-июлдан баштап Душанбе, Ташкент, Нур-Султан, Дели, Исламабад, Мумбай шаарларына да аба каттамдарын жүргүзөт.
Белгилей кетсек, Turkish Airlines 10-июнда эл аралык каттамдарын жанданткан. Түркияда ички каттамдар 1-июнда калыбына келтирилди. Коронавирустун өлкөдө жайылышына каршы күрөшүүнүн алкагында эл аралык жана ички каттамдар март айынын аягында токтотулган.