Бишкектин коронавирустун алдын алуу боюнча иштеп жаткан мобилдик топтогу 4 медициналык кызматкер коронавирус жуктуруп алган. Мындай маалыматты Бишкектин саламаттыкты сактоо башкармалыгы кабарлады.
Алар:
— Ленин райондук үй-бүлөлүк медициналык борборунун бир лаборанты;
-Биринчи май райондук үй-бүлөлүк медициналык борборунун эки лаборант-дарыгери;
-№8 үй-бүлөлүк медициналык борбордун дарыгери.
Учурда Бишкекте 20 мобилдик бригада иштеп жатат. Алардын коронавирусту жугузуп алуу кооптуулугу жогору болгон үчүн 14 күн иштеп, 14 күн обсервацияга алынат.
Коронавирус жуктуп алган 4 кызматкер менен байланышта болгон 17 медкызматкер үй карантинине алынды.