2019-жылы атайын каттоочу органдарда 49,4 миң жуптун никеси катталган. Мындай маалыматты Улуттук статисткалык комитет жазган.
Бул көрсөткүч 2015-жылга салыштырмалуу 11 пайызга төмөндөгөн.
Биринчи жолу никеге тургандардын үлүшү эркектер арасында 90 пайызды түздү, аялдар арасында 94 пайыздан жогору болгон.
Никелердин эң көп саны аялдардын арасында да, эркектер арасында да (ЖААК органдарында катталган никелердин жалпы санынын 70 пайызга жакыны) 20-29 жашта катталат.
Маалыматка ылайык, эң көп никеге туруу түштүк тарапта катталган.
Эми ажырашуулар тууралуу сөз кылсак:
Тилекке каршы, бардык эле түзүлгөн жубайлык биримдиктер бекем сакталбайт. Статистикага ылайык, алардын дээрлик ар бир бешинчиси ажырашышат: айыл жеринде 1000 никеге 154 ажырашуулар туура келсе, шаар жеринде дээрлик 2 эсеге жогору.
2019-жылы Республикада 11 миңге жакын ажырашуу катталган. Ажырашуулардын үчтөн бири, 5 жылдан кем эмес никеде турган жубайларга туура келет. Ажырашуулардын натыйжасында 13,3 миң бала ата-энесинин бирөөсү жок калган.
Төмөнкү таблицадан никеге тургандар азайып, ажырашкандардын саны өсүп жатканын байкоого болот:
| жылдар | Никеге тургандар | ажырашкандар |
| 2015 | 52 043 | 8 588 |
| 2016 | 47 837 | 9 102 |
| 2017 | 43 350 | 9 588 |
| 2018 | 49 579 | 10 434 |
| 2019 | 49 431 | 10 992 |