Жогорку Кеңештин Конституциялык мыйзамдар, мамлекеттик түзүлүш, сот-укук маселелери боюнча комитети 9-июнда чет өлкөлүк жарандардын Кыргызстандагы укуктук абалы жөнүндө мыйзам долбоорун талкуулайт.
Бул багыттагы мыйзамга өзгөртүү киргизүүнү өкмөт демилгеген.
Жыйынга Мамлекеттик каттоо кызматынын төрагасы Акын Мамбеталиев, Юстиция министринин орун басары Манас Сарымсаков катышып, маалымат берет.
Мындан тышкары, жеке мүнөздөгү маалымат жөнүндө мыйзам долбоору биринчи окууда каралат.
Ошондой эле, жаңы депутат болгон Нургазы Айдаровду Бюджет жана финансы боюнча комитеттин курамына киргизүү тууралуу маселе каралат.