АКШнын президенти Дональд Трамп өзүнүн бир жылдык эмгек акысын коронавируска каршы күрөшүүгө которгондугун өзүнүн «Твиттер» баракчасына жазды.
«Мен бердим жана башынан эле жылдык эмгек акымдан 400 миңден 450 миң долларга чейин өкмөткө кайтарып берип келем. Акыркы чек АКШнын саламаттыкты сактоо жана калкты тейлөө министрлигине коронавируска каршы күрөшүү үчүн берилди. Бул мен үчүн чоң сыймык», — деп жазган Дональд Трамп.
Акыркы маалыматтар боюнча, АКШда 1,6 миллион адамда коронавирус инфекциясы катталып, 98 миңге жакын адам каза болгон.
