АКШда 3 күн бою коронавирустун курмандыктарын эскерүү үчүн желектер түшүрүлүп турат. Бул тууралуу президенти Дональд Трамп Твиттердеги баракчасына жарыялады.
-Мен жакынкы 3 күндүн ичинде коронавирустун айынан каза болгон бардык америкалыктарды эскерүү үчүн федералдык имараттарда жана улуттук жайларда желектерди түшүртөм, — деп жазган Трамп өз билдирүүсүндө.
Желектер АКШда 25-майда, Согуш курмандыктарын эскерүү күнүндө да түшүрүлөт.
Акыркы маалыматтар боюнча, АКШда коронавирустан каза болгондордун саны 96 миңден ашты.