Кооптуу кырдаалга байланыштуу облус аралык каттамдар, ошондой эле аба каттамдары азырынча жүргүзүлө элек. Бул маселе 25-май күнү дагы бир жолу каралып, эпидемиологиялык абалга байланыштуу чечим чыгарылат. Бул тууралуу биринчи вице-премьер министр Кубатбек Боронов бүгүнкү брифингде билдирди.
Анын айтымында, 17-апрелден 18-майга чейин чет жактан жалпысынан 17 авиарейс жана 6 автобус менен 3531 жараныбыз өлкөгө келди.
— Жарандарыбызды башка өлкөлөрдөн уюшкандыкта алып келүү боюнча иштер улантылып жатат, — деп белгиледи ал.