Орусиянын Москва шаарында Кыргызстанга келе албай 20-марттан бери хостелде жашап жаткан Кыргызстандын жарандары Президент Сооронбай Жээнбековго, Жогорку Кеңештин депутаттарына жана Өкмөттүн тиешелүү органдарына мекенге алып кетүү өтүнүчү менен кайрылышты.
Алар өз кайрылууларында башка өлкөлөрдөн− Түркиядан, Дубайдан жана Новосибирсктен− мекендештерди алып кетип, бирок Москвадагы кыргызстандыктарга көңүл бурулбай калганын айтышты.
Учурда хостелде 400дөн ашык кыргызстандыктар мекенге кайтуу үчүн Өкмөттүн маселени чечип, алып кетүүсү үчүн учак күтүп жатышканын билдиришти.
