ИИМ: Бүгүн 106 киши эрежени бузду. Алардын көбү Бишкекте

23-апрелден 24-апрелге караган түнү республиканын өзгөчө абал режими киргизилген шаарлары менен аймактарында коменданттык саатты 106 киши бузуп, 9 автоунаа атайын жайларга токтотулган. Бул тууралуу ИИМдин маалымат кызматы билдирди.

Кармалгандардын ичинен:

Бишкек шаарында – 88;
Жалал-Абад шаарында — 2;
Ош шаарында — 5;
Нарын шаары — 1;
Ат-Башы району боюнча -5;
Сузак районунда — 3;
Кара-Суу районунда – 2 адам.
Ал эми Ноокат районунда тартип бузуулар катталган эмес.

Эске салсак, өзгөчө абал режими Бишкек, Нарын, Ош жана Жалал-Абад шаарлары, Ноокат, Кара-Суу, Сузак жана Ат-Башы райондоруна киргизилген. Саат 21.00дөн эртең мененки 6.00гө чейин коменданттык саат болгондуктан, көчөдө жүрүүгө тыюу салынат.

Өзгөчө абал жарыяланган 25-марттан баштап бүгүнкү күнгө чейин 3361 жаран коменданттык саатты бузганы үчүн кармалып, коменданттык саат аяктаганда коё берилген.