Муфтият быйылкы битир-садаганын баасын бекитти. Битир-садаганын 2020-жылдагы эң аз өлчөмү 35 сомго барабар болду. Бул тууралуу Кыргызстан мусулмандар дин башкармалыгынан билдиришти.
- Буудай – 35 сом;
- Мейиз – 384 сом;
- Ун – 60 сом;
- Арпа – 54 сом;
- Курма – 512 сом.
Маалыматка ылайык, ыйык Рамазан айында берилүүчү битир-садага 1 адамга 1 килограмм 600 грамм буудайдын, ундун, мейиздин же 3 килограмм 200 грамм арпа, курманын баасына барабар.
Садака берүүчү адам көрсөтүлгөн баалардын кайсынысынан чыгарса өз ыктыяры. Бей-бечара, муктаждардын пайдасы үчүн көбүрөөгүнөн чыгарууга болот.
Белгилей кетсек, быйыл Рамазан айы 24-апрелде башталат.