Бүгүнкү күнгө карата Кыргызстанда обсервацияда 857 адам карамлып турат. Бул тууралуу брифингде cаламаттыкты сактоо министринин орун басары Нурболот Үсөнбаев билдирди.
Анын айтымында, коронавирус жуктуруп алгандар менен байланышта болгон адамдардын саны 7 593тү түзөт. Оорулуулар менен өтө тыгыз байланышта болгондордун саны — 1 612. Ал эми оорулуулар менен байланышта болгон экинчи категориядагы адамдардын саны — 5 981.
Бүгүнкү күндө өлкөдө коронавирус жуктуруп алган 489 учур белгилүү. Оорудан 114 адам сакайып кетсе, бешөө көз жумган.