Баткен облусуна мамлекеттик материалдык резервдер фондунан 585,5 тонна ун бөлүндү. Бул тууралуу Республикалык штабдан билдирди.
Бөлүнгөн ундун 104 тонна 400 кг Лейлек районуна жеткирилип, 2088 үй-бүлөгө, 12 тонна 800 кг Сүлүктү шаарында 256 үй-бүлөгө таратылды.
13-апрелде Баткен району жана Баткен шаарына 220 тонна ундун келиши күтүлүүдө. Андан кийинки этапта Кадамжай району менен Кызыл-Кыя шаарына алып келүү пландаштырылган.
Материалдык резервден келген ун облустагы муктаж үй-бүлөлөргө таркатылып, анын бөлүштүрүүсүн атайын комиссия көзөмөлгө алууда.