Ноокат районунда коронавирус жуктуруп алган деген күмөн менен милиция кызматкери обсервацияга жаткырылды. Бул тууралуу Саламаттык сактоо министрлигинин маалымат кызматынан кабарлашты.
Маалыматка ылайык, андан алынган экспресс-тест оору бар экендигин көрсөткөн.
— Эми ПЧР-анализдин жыйынтыгын күтүп жатабыз. Контакттык экспресс-тесттер вирус жок деген жыйынтык көрсөттү, — деп билдиришти министрликтен.
Кыргызстанда бүгүн, 5-апрелде коронавирус жуктуруп алган жаңы 3 учур катталып, жалпы ооругандардын саны 147 кишиге жетти. Сегиз адам айыгып, ооруканадан чыгарылды. Ал эми илдетти жуктуруп алган бир адам каза болду.