Британ ханзадасы Чарльздан коронавирус аныкталды. 71 жаштагы ханзада тапшырган анализде Covid-19 вирусу табылганын бүгүн жарыялашты.
Букингем сарайы билдиргендей, ханзадада вирустун симптомдору жеңил. Учурда ал Шотландияда изоляцияда экени белгилүү болгон. Ал эми анын жубайы Камилладан коронавирус чыккан эмес.
Дүйнө боюнча 195 мамлекетте COVID-19 вирусу табылган. Жалпы коронавирус жуктургандар 435 миң 500дөн ашты.