Билим берүү жана илим министрлигинин кызматкерлери бир күндүк эмгек акысын коронавируска каршы күрөшүү үчүн которушат.
Мекеменин жетекчиси Каныбек Исаков коронавирустун жайылышына жол бербөө максатындагы иш-чараларды каржылоо үчүн атайын эсепке министрликтин кызматкерлеринин бир күндүк эмгек акысын которууну сунуштап, жамаат аны колдогон.
Кыргызстандагы жогорку жана атайын орто окуу жайлары бул илдеттин алдын алуу үчүн комплекстүү иш-чараларды иштеп жатат жана атайын эсепке салым кошуу боюнча өз демилгелерин көрсөтүшүүдө.
Кыргызстанда коронавирус илдети менен 16 киши катталды. Өлкөдө 25-марттан тарта «өзгөчө абал» режими жарыяланат.