Бишкектеги Дөлөн Өмүрзаков атындагы стадион убактылуу жабылды. Бул тууралуу Жаштар иштери, дене тарбия жана спорт мамлекеттик агенттиги кабарлайт.
Бул аракет коронавирустун жайылышынын алдын алуу максатында жасалууда.
Кыргызстанда коронавирус илдетин жуктургандардын саны 6га жетти. Алардын үчөө Жалал-Абад облусунун Сузак районунун тургундары. Дагы үчөө Оштун Ноокат районунун тургундары. Саламаттыкты сактоо министрлиги алар Сауд Аравиясынан кичи ажылыктан келишкенин кабарлады. Учурда алар изоляцияда.