Өзбекстанда коронавирус эпидемиясынын жайылганына байланыштуу жума намазын окуу убактылуу токтотулду. Бул тууралуу Өзбекстандагы Мусулмандар башкармалыгынан маалымдашты.
“Жума намазынын ордуна ар ким өз үйүндө бешим намазын окусун. Ошондой эле, 5 убак намазды да ар ким өз үйүндө окуса болот”,-деп айтылат.
Андан сырткары, жаназа каза болгон кишинин жакын туугандарынын гана катышуусунда өтмөкчү.
Соңку маалыматтар боюнча, Өзбекстанда коронавируска кабылган 6 адам катталды. Алардын бешөө бир үй-бүлөдөн.