Улуу Британиянын борбору Лондон шаарында Кыргызстандын туристтик мүмкүнчүлүктөрү тууралуу баяндама жасалды. Мындай маалыматты Кыргызстандын аталган өлкөдөгү элчилиги билдирди.
Иш-чарага 15 кыргызстандык, 40 британиялык туристтик компаниялар катышты. Жыйында Улуу Британиянын премьер-министри Борис Жонсондун атасы Стэнли Жонсон да сөз сүйлөп, 2018-жылы Кыргызстанга жасаган саякаты тууралуу сөз сүйлөдү. Ал айлана-чөйрөнү коргоо жана ак илбирсти коргоо ишине аралашып келгенин, NABU фотокапкандарын орнотууга катышканын айтты.
“Премьер-министрдин 80 жаштагы атасы Кыргызстандын кооз табиятын жана элдин ак көңүлдүүлүгүн суктануу менен айтып, британиялык компанияларды бул багытта активдүү иштөөгө чакырды»,-деп айтылат маалыматта.