Мыйзамсыз нарко заттарды сатууга каршы кызматы баңги заттарын саткан каналдын жолун бууду. Бул тууралуу аталган мекеменинин маалымат кызматы билдирди.
Мекеменин Чүй облусу боюнча бөлүмү Жалал-Абад облусунун Токтогул районунан нарко заттарды туруктуу ташып турган топту колго түшүрдү.
Февраль айында Бишкекте нарко заттарды саткан топту түзгөн шектүү кармалган. Анын жанынан 2 кг 150 гр гашиш алынган. Шектүү 1971-туулган жаран экени, бир нече жолу соттолгону, товарды Чүй облусуна сатуу үчүн алып баратканы маалым болгон.
Мындан сырткары, бул топтун башка мүчөлөрү да колго түшүрүлгөн. Алардын ичинен 1972-жылы туулган И.К. жана 1992-жылы туулган Н.у.Ж аттуу шектүүлөрдүн үйүн тинтүүгө алганда 1,3 кг салмактагы гашиш алынган.
Учурда тергөө амалдары жүрүп жатат.