Таиланддын түндүгүндөгү Накхонратчасима шаарындагы ок атуудан каза болгондордун саны 29га жетти. Андан сырткары, 63 адам ар түрдүү жаракат алган. Бул тууралуу өлкөнүн премьер-министри Прают Чан Оча маалымдаган.
«Каза болгондордун ичинде атайын күчтөрдүн жоокерлери, жарандар жана ок аткан адамдын өзү бар», — деди Өкмөт башчы.
Анын айтымында, аскер кызматкери үйүн сатуудагы көйгөйлөрдөн улам адамдарга ок чыгарган.
Ишемби күнү, 9-февралда 32 жаштагы Жакрапант Томма алгач аскер лагеринде үч офицерди өлтүрүп, армиянын автоунаасын айдап качкан. Ал «Терминал-21» соода борборуна бараткан жолдо, ощондой эле анын ичинде адамдарга ок атып, бир тобун барымтага алган. Анын кандай талаптарды айткандыгы тууралуу маалымат жок.