Мамлекеттик бажы кызматынын Аткезчиликке жана бажы эрежелерин бузууга каршы күрөшүү башкармалыгынын кызматкерлери ЕАЭБдин бажы аймагына мыйзамсыз ташылып келинген 4 автоунааны аныкташты. Бул тууралуу аталган кызматтын маалымат бөлүмү билдирди.
Алар “Мерседес-Бенц Е280”, “Мерседес-Бенц S-Class”, “Тайота –Лендкрузер-200” жана “Мазда CX-5” унаалары болгон.
Бул факты боюнча мамлекеттик бюджетке келтирилген зыяндын жалпы суммасы 5 млрд 609 миң 591 сомду түзөт.
Бул фактылар боюнча чогултулган материалдар Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча Экономикалык кылмыштарга каршы күрөшүү мамлекеттик кызматына өткөрүлүп берилди.