Австралияда 4 айга созулган өрт кырсыгынан улам миллиондогон гектар жер өрттөнүп, 1500 гө жакын турак-жай күйүп жок болду. Өрттү өчүрүү үчүн 3000ден ашык аскер тартылган.
Сентябрда күч алган өрттөн улам 24 адам каза болгону айтылууда. Андан сырткары, ондогон адам дайынсыз жоголууда.
Узакка созулган тилсиз жоодон улам абанын өңү кызылга айланган.
Австралиядагы өрттүн айынан жарым миллиардга жакын жаныбарлар өлдү.
Жаныбарлар токойдон көчөгө качып, адамдардан жардам сурап кайрылып жатат.
Тургундар жаныбарларды сактап калууга аракет кылууда. Роуз атындагы коала ооруканада күйүктөн дарыланууда.
Өрттүн спутниктен көрүнүшү:
NASA спутник агенттиги жарыялаган Австралиядагы өрттүн 3D-көрүнүшү:
Австралиядагы токойду каптаган өрт 2019-жылдын сентябрь айынан бери токтобой келет.
5-январда Австралияда жаан жаады. Бирок, өрттүн жайылуу коркунучу азайган жок.
