Президент Сооронбай Жээнбеков “Республика” партиясынын негиздөөчүсү Өмүрбек Бабановдун саясаттан кеткени боюнча пикирин билдирди. Анда Өмүрбек Бабановдун таржымалы чоң бизнес менен чоң саясаттын кызыкчылыгы аралашып кеткендигинин накта үлгүсү экенин айтты.
-Эми ага шарт түзүлдү. Мурда иш козголгон экен, тергөө жүрүп жатат. Барып чындыгын көрсөтүп, актансын. 25 суроону менин бергеним туура эмес экен. Аны тергөө сурасын.
Эске салсак, 20-декабрда “Республика” партиясы кезексиз съездге чогулуп, партия лидерин шайлаган. Анда Өмүрбек Бабанов саясаттан толугу менен кеткенин жар салып, ордуна партияны Мирлан Жээнчороев жетектей турган болгон.
Белгилей кетсек, бүгүн, 25-декабрда президент Сооронбай Жээнбеков “Ала-Арча” мамлекеттик резиденциясында маалымат жыйын берүүдө.