Кыргызстан коомчулугу белгилүү кинорежиссёр, СССРдин эл артисти, Кыргыз Республикасынын эл артисти Болот Шамшиевди акыркы сапарга узатты. Бул тууралуу Президенттик Аппараттын маалымат кызматы билдирди.
Президент Сооронбай Жээнбеков анын үй-бүлөсүнө жана жакындарына көңүл айтты.
Өз сөзүндө мамлекет башчысы Болот Шамшиевдин эмгегинин үзүрү «кыргыз керемети» доорунун ажырагыс бир бөлүгү болуп саналарын баса белгиледи.
