Бүгүн кинорежиссёр Болот Шамшиев акыркы сапарга узатылат. Маркум менен коштошуу зыйнаты Абдылас Малдыбаев атындагы Кыргыз улуттук академиялык опера жана балет театрында саат 10:00дө өтөт. Болот Шамшиевдин сөөгү Ала-Арча көрүстөнүнө коюлат.
Белгилүү режиссёр узакка созулган оорудан улам, 21-декабрь күнү 78 жаш курагында президентке караштуу атайын адистештирилген оорукананын жандандыруу бөлүмүндө каза болгон.